9.1.1.ກ ອັດຕາສ່ວນຂອງຈຳນວນປະຊາກອນໃນເຂດຊົນນະບົດ ທີ່ມີເສັ້ນທາງ ເຂົ້າເຖິງໄດ້ (ທີ່ສາມາດໃຊ້ໄດ້ຕະຫຼອດປີ) ທຽບກັບ ຈຳນວນປະຊາກອນໃນເຂດຊົນນະບົດທັງໝົດ.

9.1.1.ຂ ສັດສ່ວນ ຂອງບ້ານທີ່ມີຫົນທາງທີ່ເຂົ້າເຖິງໄດ້ ແລະ ບໍ່ສາມາດເຂົ້າເຖິງໄດ້ໃນ ທຸກລະດູການ ທຽບກັບຈໍານວນບ້ານທັງໝົດ:
- ເຂດຕົວເມືອງ.
- ເຂດຊົນນະບົດ.

9.1.2 ​ປະ​ລິ​ມານຜູ້​ໂດຍ​ສານ (ຜູ້​ໂດຍ​ສານ ໃນຫົວໜ່ວຍນຶ່ງ​ລ້ານ​ຄົນ ຕໍ່ກິໂລແມັດ):
- ທາງ​ລົດ.
- ທາງ​ລົດ​ໄຟ.
- ທາງ​ອາ​ກາດ.
- ທາງ​ນ້ຳ.

9.1.3 ປະ​ລິ​ມານ​ຂົນ​ສົ່ງ​ສິນ​ຄ້າ/ບໍ​ລິ​ມາດ​ສິນ​ຄ້າ (ໃນຫົວໜ່ວຍນຶ່ງ​ລ້ານ​ໂຕນຕໍ່ກິໂລແມັດ):
- ທາງ​ລົດ.
- ທາງ​ລົດ​ໄຟ.
- ທາງ​ອາ​ກາດ.
- ທາງ​ນ້ຳ.

9.2.1 ອັັດຕາມູນ​ຄ່າ​ເພີມ​ໃນ​ອຸດສາຫະກໍາປຸງແຕ່ງຕໍ່ GDP ແລະ ຕໍ່​ຫົວ​ຄົນ.

9.2.2 ອັດຕາສ່ວນການຈ້າງ​ງານ​ໃນຂະແໜງອຸດສາຫະກໍາປຸງແຕ່ງຕໍ່​ການ​ຈ້າງງານທັງ​ໝົດ.

9.2.3 ອັດ​ຕາ​ການ​ເຕີບ​ໂຕ​ຂອງ​ຈຳ​ນວນ​ບໍ​ລິ​ສັດ​ທີ່​ຈົດ​ທະ​ບຽ​ນ​ໃໝ່.

9.3.1 ເປີເຊັນ ຂອງ​ມູນ​ຄ່າ​ເພິ່ມ​ຂ​ອງ ວິ​ສະ​ຫະ​ກິດ​ຂະໜາດ​ນ້ອຍ ແລະ ກາງ (SMEs) ຕໍ່ມູນ​ຄ່າ​ເພິ່ມຂ​ອງ​ອຸດ​ສາ​ຫະ​ກຳ​ທັງ​ໝົດ.

9.3.2 ເປີ​ເຊັນ ຂອງ​ວິ​ສະ​ຫະ​ກິດ​ຂະໜາດ​ນ້ອຍ ແລ ກາງ (SME) ທີ່​ມາ​ກູ້​ຢືມ​ເງິນ​ນຳ​ທາງ​ທະ​ນາ​ຄານ/ທຽບກັບຈໍານວນ ບໍ​ລິ​ສັດ ວິ​ສະ​ຫະ​ກິດ​ຂະໜາດ​ນ້ອຍ ແລ ກາງ (SME) ທັງໝົດ.

9.5.1 ເປີ​ເຊັ​ນ ຂອງລາຍ​ຈ່າຍ​ເຂົ້າ​ໃນ​ການ​ຄົ້ນ​ຄ້ວ​າ ແລະ ພັດ​ທະ​ນາ ທຽບ​ກັບ GDP (ເພີ່ມຈໍານວນງົບປະມານການລົງທຶນຂອງລັດໃສ່ໃນການຄົ້ນຄວ້າພັດທະນາວິທະຍາສາດ ແລະ ເທັກໂນໂລຊີໃຫ້ໄດ້ 2% ໃນປີ 2025.).

9.5.2 ຈໍາ​ນວນ​ນັກຄົ້ນ​ຄ້ວ​າ​ຕໍ່​ກັບ​ປະ​ຊາ​ຊົນ​ລ້ານ​ຄົນ (ເພີ່ມຈໍານວນນັກຄົ້ນຄ້ວາວິໃຈໃຫ້ໄດ້ 120.1 ຄົນຕໍ່ 1ລ້ານຄົນໃນປີ 2020).

9.ກ.1.ກ ມູນ​ຄ່າ​ທັງ​ໝົດ​ຂອງທຶນຊ່ວຍເຫຼືອເພື່ອການພັດທະນາ (ODA) ເຂົ້າ​ໃນ​ໂຄງ​ການ​ພັດ​ທະ​ນາ​ໂຄງ​ລ່າງ.

9.ກ.1.ຂ ມູນ​ຄ່າ​ທັງ​ໝົດ​ຂອງການ​ລົງ​ທຶນ​ໂດຍ​ກົງ​ຈາກ​ຕ່າງ​ປະ​ເທດ (FDI) ເຂົ້າ​ໃນ​ໂຄງ​ການ​ພັດ​ທະ​ນາ​ໂຄງ​ລ່າງ.

9.ຂ.1 ​ເປີ​ເຊັນ ​ຂອງ​ມູນຄ່າເພີ່ມໃນອຸດ​ສາ​ຫະ​ກໍາ ທີ່​ນໍາ​ໃຊ້​ເຕັກ​ໂນ​ໂລ​ຊີ ລະດັບ​​ສູງ ແລະ ລະດັບ​ກາງ ທຽບກັບ​ມູນ​ຄ່າ​ເພີ່ມທັງ​ໝົດ (ເພີ່ມມູນຄ່າເພີ່ມຂອງການນໍາໃຊ້ເທັກໂນໂລຊີ ແລະ ນະວັດຕະກໍາໃຫ້ໄດ້ 1% ຂອງມູນຄ່າເພີ່ມທັງໝົດ).

9.ຄ.1 ເປີເຊັນ ຂອງປະຊາກອນ ທີ່ສາມາດເຂົ້າເຖິງເຄືອຂ່າຍ ໂທລະສັບມືຖືທີ່ແຍກຕາມລະດັບເຕັກໂນໂລຊິ:
- ຈຳນວນທັງໝົດ.
- 2G.
- 3G.
- 4G.

9.1 ພັດທະນາພື້ນຖານໂຄງລ່າງທີ່ມີຄຸນນະພາບ, ໄວ້ວາງໃຈໄດ້, ຍືນຍົງ ແລະ ໝັ້ນຄົງທົນທານ ລວມທັງພື້ນຖານໂຄງລ່າງພາຍໃນພາກພື້ນ ແລະ ຂ້າມຊາຍແດນເພື່ອສະໜັບສະໜູນໃຫ້ແກ່ການພັດທະນາເສດຖະກິດ ແລະ ຊີວິດການເປັນຢູ່ທີ່ດີຂອງມວນມະນຸດ ໂດຍສຸມໃສ່ເຮັດໃຫ້ມີຄວາມເທົ່າທຽມ ແລະ ມີລາຄາບໍ່ແພງ ເຊິ່ງທຸກຄົນສາມາດເຂົ້າເຖິງໄດ້.

9.2 ສົ່ງເສີມການຫັນເປັນອຸດສາຫະກໍາທີ່ຍືນຍົງ ແລະ ທົ່ວເຖິງ ແລະ ພາຍໃນປີ 2030 ເພີ່ມອັດຕາສ່ວນຂອງການຈ້າງງານ ແລະ ຍອດຜະລິດຕະພັນພາຍໃນ ຂອງຂະແໜງອຸດສາຫະກໍາ ໃຫ້ຫຼາຍຍິ່ງຂຶ້ນ, ໂດຍສະເພາະໃຫ້ເພີ່ມຂຶ້ນສອງເທົ່າໃນບັນດາປະເທດດ້ອຍພັດທະນາ, ໂດຍສອດຄ່ອງກັບສະພາບເງື່ອນໄຂຂອງປະເທດ.

9.3 ເຮັດໃຫ້ວິສາຫະກິດດ້ານອຸດສາຫະກໍາຂະໜາດນ້ອຍ ແລະ ດ້ານອື່ນໆ ໂດຍສະເພາະຢູ່ປະເທດກໍາລັງພັດທະນາ ສາມາດເຂົ້າເຖິງການບໍລິການທາງດ້ານການເງິນ, ລວມທັງສິນເຊື່ອທີ່ດອກເບ້ຍບໍ່ແພງ ແລະ ການເຊື່ອມໂຍງເຂົ້າໃນລະບົບຕ່ອງໂສ້ການຜະລິດ ແລະ ຕະຫຼາດໄດ້ຫຼາຍຍິ່ງຂຶ້ນ.

9.5 ເພີ່ມທະວີຄົ້ນຄວ້າວິທະຍາສາດ, ຍົກລະດັບຄວາມສາມາດດ້ານເຕັກໂນໂລຊິຂອງຂະແໜງການອຸດສາຫະກໍາໃນທຸກປະເທດ, ໂດຍສະເພາະປະເທດກໍາລັງການພັດທະນາ, ໂດຍການຊຸກຍູ້ນະວັດຕະກຳ ແລະ ເພີ່ມຈໍານວນນັກຄົ້ນຄວ້າ ແລະ ນັກພັດທະນາໃຫ້ໄດ້ຢ່າງຫຼວງຫຼາຍ ຕໍ່ປະຊາກອນ 1 ລ້ານຄົນ ແລະ ເພີ່ມງົບປະມານໃນການຄົ້ນຄວ້າ ແລະ ພັດທະນາ ຂອງພາກລັດ ແລະ ເອກະຊົນ ຫຼາຍຂຶ້ນພາຍໃນປີ 2030.

9.ກ ອໍານວຍຄວາມສະດວກໃນການພັດທະນາພື້ນຖານໂຄງລ່າງທີ່ຍືນຍົງ ແລະ ໝັ້ນຄົງທົນທານ ຢູ່ປະເທດກໍາລັງພັດທະນາ ໂດຍການເພີ່ມທະວີການສະໜັບສະໜູນດ້ານການເງິນ, ເຕັກໂນໂລຊິ ແລະ ວິຊາການໃຫ້ແກ່ບັນດາປະເທດໃນອາຟຣິກາ, ປະເທດດ້ອຍພັດທະນາ, ປະເທດກໍາລັງພັດທະນາທີ່ບໍ່ມີຊາຍແດນຕິດທະເລ ແລະ ປະເທດເກາະ ດອນນ້ອຍກໍາລັງພັດທະນາ.

9.ຂ. ສະໜັບສະໜູນການພັດທະນາດ້ານເຕັກໂນໂລຊິຢູ່ພາຍໃນ, ການຄົ້ນ ຄ້ວາ ແລະ ນະວັດຕະກຳໃນປະເທດກໍາລັງພັດທະນາ ລວມທັງການຮັບປະກັນໃຫ້ມີນະໂຍບາຍທີ່ເອື້ອອໍານວຍໃຫ້ແກ່ການພັດທະນາອຸດສາຫະກໍາໃຫ້ມີຄວາມຫຼາກຫຼາຍແລະ ເພີ່ມມູນຄ່າໃຫ້ແກ່ສິນຄ້າ.

9.ຄ ເພີ່ມທະວີການເຂົ້າເຖິງເຕັກໂນໂລຊິຂໍ້ມູນຂ່າວສານ ແລະ ການສື່ສານໃຫ້ຫຼາຍຍິ່ງຂຶ້ນ ແລະ ສູ້ຊົນຕອບສະໜອງການເຂົ້າເຖິງການບໍລິການອິນເຕີເນັດຢ່າງທົ່ວເຖິງ ແລະ ມີລາຄາບໍ່ແພງ ຢູ່ໃນປະເທດດ້ອຍພັດທະນາພາຍໃນປີ 2020.