ຮັບປະກັນການສຶກສາໃຫ້ມີຄຸນນະພາບ, ເທົ່າທຽມກັນ ແລະ ທົ່ວເຖິງ ແລະ ສົ່ງເສີມກາລະໂອກາດໃນການຮຽນຮູ້ຕະຫຼອດຊີວິດສຳລັບໝົດທຸກຄົນ
4.1.1 ເປີເຊັນ ຂອງນັກຮຽນທີ່ບັນລຸມາດຖານການຮຽນຮູ້ ທາງດ້ານການອ່ານ ແລະ ຄະນິດສາດ ເມື່ອຮຽນ (i) ຊັ້ນປະຖົມ (ຂັ້ນ ປ 2 ຫຼື ປ 3), (ii) ຮອດທ້າຍປີຂອງຊັ້ນປະຖົມ(ຂັ້ນ ປ 5) ແລະ (iii) ຮອດທ້າຍປີຂອງຊັ້ນມັດຖະຍົມຕອນຕົ້ນ(ຂັ້ນ ມ 4) ແຍກຕາມເພດ, ຊົນເຜົ່າ, ຄວາມພິການ ແລະ ແຂວງ ອີງຕາມຂໍມູນທີ່ມີ.
4.1.2 ການບໍລິຫານກ່ຽວກັບການວັດຜົນການຮຽນລະດັບຊາດຂອງນັກຮຽນ (i) ຊັ້ນປະຖົມ (ຂັ້ນ ປ 2 ຫຼື ປ 3), (ii) ຮອດທ້າຍປີຂອງຊັ້ນປະຖົມ(ຂັ້ນ ປ 5) ແລະ (iii) ຮອດທ້າຍປີຂອງຊັ້ນມັດຖະຍົມຕອນຕົ້ນ(ຂັ້ນ ມ 4).
4.1.3 ອັດຕາເຂົ້າຮຽນລວມໃຫມ່ໃນປີສຸດທ້າຍຂອງຊັ້ນປະຖົມສຶກສາ ແລະ ມັດຖະຍົມສຶກສາຕອນຕົ້ນ.
4.1.4 ອັດຕາການສໍ່ເລັດຊັ້ນປະຖົມສຶກສາ, ຊັ້ນມັດທະຍົມສຶກສາຕອນຕົ້ນ ແລະ ຊັ້ນມັດທະຍົມສຶກສາຕອນປາຍ ແຍກຕາມເພດ (ບໍ່ແມ່ນເປີເຊັນການເສັງຈົບຊັ້ນ).
4.1.5 ອັດຕາເດັກຢູ່ນອກໂຮງຮຽນ (ຊັ້ນປະຖົມສຶກສາ, ຊັ້ນມັດທະຍົມສຶກສາຕອນຕົ້ນ ແລະ ຊັ້ນມັດທະຍົມສຶກສາຕອນປາຍ)ແຍກຕາມເພດ.
4.1.6 ເປີເຊັນນັກຮຽນທີ່ມີອາຍຸເກີນເກນເຂົ້າຮຽນໃນແຕ່ລະຊັ້ນຮຽນ (ຊັ້ນປະຖົມສຶກສາ, ຊັ້ນມັດທະຍົມສຶກສາຕອນຕົ້ນ).
4.2.2 ອັດຕາການເຂົ້າຮ່ວມຮຽນຂອງເດັກ(ໜຶ່ງປີກ່ອນເກນເຂົ້າຮຽນຊັ້ນປະຖົມ) ແຍກຕາມເພດ.
4.2.3 ອັດຕາການເຂົ້າຮຽນລວມໃນ (a) ຫ້ອງກຽມປະຖົມ ແລະ (b) ຊັ້ນການສຶກສາກ່ອນໄວຮຽນ.
ການສຶກສາກ່ອນໄວຮຽນມີ 2 ຊັ້ນຮຽນ(ອີງຕາມກົດໝາຍການສຶກສາ).
- ຊັ້ນລ້ຽງເດັກ(3ເດືອນຫາຕຳກ່ວາ3ປີ).
- ຊັ້ນອະນຸບານສຶກສາ(3ປີຫາຕຳກ່ວາ6ປີ).
(ໃນຊັ້ນອະນຸບານສຶກສາຍັງມີກຸ່ມຮຽນຜ່ານການຫຼີ້ນ ແລະ ຫ້ອງກຽມປະຖົມ(ອາຍຸ 5ປີ)) ແຍກຕາມເພດ.
4.3.1 ອັດຕາການເຂົ້າຮ່ວມຮຽນຂອງຊາວໜຸ່ມ (15-24ປີ) ແລະ ຜູ້ໃຫຍ່ (25-64ປີ) ທັງໃນໂຮງຮຽນ ແລະ ນອກໂຮງຮຽນ; ການເຂົ້າຝຶກອົບຮົມໃນ 12 ເດືອນຜ່ານມາ, ແຍກຕາມເພດ.
4.3.2 ອັດຕາການເຂົ້າຮຽນລວມໃນການສຶກສາຊັ້ນສູງ ແບກຕາມເພດ(ເກນອາຍຸເຂົ້າຮຽນ 18-22ປີ).
4.3.3 ອັດຕາການເຂົ້າຮ່ວມຮຽນໃນຫຼັກສູດອາຊີວະສຶກສາ(ອາຍຸ 15-24ປີ), ແຍກຕາມເພດ.
4.3.4 ເປີເຊັນ ຂອງນັກຮຽນທີ່ຮຽນຈົບມັດທະຍົມຕອນຕົ້ນ ຫຼື ມັດທະຍົມຕອນປາຍ ທີ່ໄດ້ເຂົ້າຮຽນຕໍ່ໃນສາຍອາຊີວະສຶກສາ, ແຍກຕາມເພດ :
- ຜູ້ທີ່ຮຽນຈົບມັດທະຍົມຕອນຕົ້ນ ເຂົ້າຮຽນຈັກເປີເຊັນ.
- ຜູ້ທີ່ຮຽນຈົບມັດທະຍົມຕອນປາຍເຂົ້າຮຽນຈັກເປີເຊັນ.
4.4.1 ເປີເຊັນ ຂອງປະຊາກອນອາຍຸ 15-24 ປີ ທີ່ນຳໃຊ້ ຄອມພິວເຕີ ແລະ ອິນເຕີເນັດ, ແຍກຕາມຄວາມສາມາດທາງດ້ານ ICT, ເພດ ແລະ ທີ່ຢູ່ອາໄສ ທຽບກັບຈຳນວນປະຊາກອນ ທັງໝົດຂອງເກນອາຍຸນັ້ນ:
- ເປີເຊັນ ການນຳໃຊ້ ຄອມພິວເຕີ (ເພດຍິງ).
- ເປີເຊັນ ການນຳໃຊ້ ອິນເຕີເນັດ (ເພດຍິງ).
- ເປີເຊັນ ການນຳໃຊ້ ຄອມພິວເຕີ (ເພດຊາຍ).
- ເປີເຊັນ ການນຳໃຊ້ ອິນເຕີເນັດ (ເພດຊາຍ).
4.5.1.ກ ດັດຊະນີຄວາມສະເໝີພາບ ຍິງ-ຊາຍ ໃນການເຂົ້າຮຽນ:
- ຊັ້ນປະຖົມ.
- ຊັ້ນມັດທະຍົມຕອນຕົ້ນ.
- ຊັ້ນມັດທະຍົມຕອນປາຍ.
4.5.1.ຂ ດັດຊະນີຄວາມສະເໝີພາບ ຍິງ-ຊາຍ ໃນການສຳເລັດຊັ້ນຮຽນຕ່າງໆ:
- ຊັ້ນປະຖົມ.
- ຊັ້ນມັດທະຍົມຕອນຕົ້ນ.
- ຊັ້ນມັດທະຍົມຕອນປາຍ.
4.6.1.ກ ເປີເຊັນ ຂອງຜູ້ໃຫຍ່ອາຍຸ 15 ປີຂື້ນໄປທີ່ສາມາດອ່ານ ແລະ ຂຽນໜັງສືໄດ້ ແຍກຕາມເພດ(ຈຳນວນຜູ້ອ່ານ ແລະ ຂຽນໜັງສືໄດ້ທຽບກັບຈຳນວນປະຊາກອນທັງໝົດ), ແຍກຕາມເພດ.
4.6.1.ຂ ເປີເຊັນຂອງຊາວໜຸ່ມອາຍຸ15–24 ປີ ທີ່ສາມາດອ່ານ ແລະ ຂຽນໜັງສືໄດ້.
- 15 - 19 ປີ.
- 20 - 24 ປີ.
4.7.2 ເປີເຊັນຂອງມະຫາວິທະຍາໄລ ແລະ ສະຖານການສຶກສາ ສາຍອາຊີວະສຶກສາ ແລະ ສ້າງຄູ ທີ່ມີໂຄງສ້າງອາຄານ ແລະ ການຈັດຕັ້ງ ແບບຍືນຍົງ.
4.ກ.1 ເປີເຊັນ ຂອງໂຮງຮຽນ (ກ) ທີ່ສາມາດເຂົ້າເຖີງໄຟຟ້າໄດ້ (ຂ) ທີ່ມີອິນເຕີເນັດໃຊ້ ຮັບໃຊ້ການຮຽນການສອນ (ຄ) ທີ່ມີເຄື່ອງຄອມພິວເຕີ ຮັບໃຊ້ການຮຽນການສອນ (ງ) ທີ່ມີສິ່ງອໍານວຍຄວາມສະດວກ ສຸຂາພິບານ ພຽງພໍ (ວິດຖ່າຍ) ທີ່ຈັດແບ່ງຕາມເພດ ການນຳໃຊ້ນ້ຳສະອາດ (ຈ) ນ້ຳລ້າງມືໄດ້ ຕາມມາດຖານແຫ່ງຊາດ (ສ) ທີ່ມີໂຄງລ່າງພື້ນຖານທີ່ເໝາະສົມ ແລະ ອຸປະກອນໃຫ້ແກ່ນັກຮຽນພິການ (ຊ) ທີ່ມີສະຖານທີ່ອໍານວຍຄວາມສະດວກທາງດ້ານນໍ້າ ແລະ ສຸຂະອະນາໄມ (WASH) ຕາມມາດຕະຖານແຫ່ງຊາດ ທຽບກັບຈຳນວນໂຮງຮຽນທັງໝົດ.
4.ຂ.1 ປະລິມານການຊ່ວຍເຫຼືອທາງການ ເພື່ອການພັດທະນາ ໃນຮູບແບບທຶນການສຶກສາ ແຍກຕາມຂະ ແໜງ ແລະ ວິຊາຮຽນ.
4.ຄ.1 ເປີເຊັນ ຂອງຄູ ທີ່ໄດ້ຜ່ານສ້າງຄູ ທຽບກັບຈຳນວນຄູທັງໝົດ ແຍກຕາມເພດ.
- ຊັ້ນປະຖົມ.
- ຊັ້ນມັດຖະຍົມຕອນຕົ້ນ.
- ຊັ້ນມັດຖະຍົມຕອນປາຍ.
4.1 ພາຍໃນປີ 2030, ຮັບປະກັນວ່າເດັກນ້ອຍຍິງ ແລະ ຊາຍທັງໝົດສໍາເລັດການສຶກສາຂັ້ນປະຖົມ ແລະ ມັດທະຍົມໂດຍບໍ່ເສຍຄ່າ, ມີຄວາມເທົ່າທຽມກັນ ແລະ ມີຄຸນນະພາບ ນຳໄປສູ່ໝາກຜົນຂອງການຮຽນຮູ້ທີ່ມີປະສິດທິຜົນ ແລະ ເໝາະສົມ.
4.2 ພາຍໃນປີ 2030, ຮັບປະກັນວ່າເດັກຍິງ ແລະ ເດັກຊາຍທັງໝົດສາມາດເຂົ້າເຖິງພັດທະນາການໃນໄວເດັກທີ່ມີ ຄຸນນະພາບ, ໄດ້ຮັບການດູແລ ແລະ ການສຶກສາກ່ອນໄວຮຽນ ເພື່ອເຮັດໃຫ້ເຂົາເຈົ້າມີຄວາມພ້ອມສໍາລັບການສຶກສາຊັ້ນປະຖົມ.
4.3 ພາຍໃນປີ 2030, ຮັບປະກັນໃຫ້ແມ່ຍິງ ແລະ ຜູ້ຊາຍມີຄວາມເທົ່າທຽມກັນໃນການເຂົ້າເຖິງການສຶກສາດ້ານວິຊາການ, ວິຊາຊີບ ແລະ ຊັ້ນສູງ, ລວມທັງມະຫາວິທະຍາໄລ ທີ່ມີຄຸນນະພາບ ແລະ ບໍ່ເສຍຄ່າແພງ.
4.4 ພາຍໃນປີ 2030, ເພີ່ມຈໍານວນຊາວໜຸ່ມ ແລະ ຜູ້ໃຫຍ່ທີ່ມີທັກສະທີ່ ເໝາະສົມໃຫ້ຫຼາຍຂຶ້ນ ລວມທັງທັກສະດ້ານວິຊາການ ແລະ ວິຊາຊີບ ສຳລັບການເຮັດວຽກ, ວຽກທີ່ມີຄຸ່ນຄ່າ ແລະ ການເປັນຜູ້ປະກອບການ.
4.5 ພາຍໃນປີ 2030, ລຶບລ້າງຄວາມບໍ່ສະເໝີພາບກັນລະຫວ່າງ ຍິງ-ຊາຍ ໃນການສຶກສາ ແລະ ຮັບປະກັນຄວາມເທົ່າທຽມກັນໃນການເຂົ້າເຖິງການສຶກສາທຸກລະດັບ ແລະ ການຝຶກອົບຮົມວິຊາຊີບສໍາລັບຜູ້ດ້ອຍໂອກາດ, ລວມທັງຄົນພິການ, ຄົນຊົນເຜົ່າ ແລະ ເດັກນ້ອຍທີ່ມີຄວາມສ່ຽງ.
4.6 ພາຍໃນປີ 2030, ຮັບປະກັນວ່າ ຊາວໜຸ່ມທັງໝົດ ແລະ ຜູ້ໃຫຍ່ຈຳນວນຫຼາຍທັງຜູ້ຊາຍ ແລະ ແມ່ຍິງ ຮູ້ຫນັງສື ແລະ ການຄິດໄລ່ເລກ.
4.7 ພາຍໃນປີ 2030, ຮັບປະກັນວ່າ ນັກຮຽນທັງໝົດມີຄວາມຮູ້ ແລະ ທັກສະທີ່ຈໍາເປັນເພື່ອສົ່ງເສີມການພັດທະນາແບບຍືນຍົງ, ໃນນັ້ນ ລວມທັງຜ່ານການສຶກສາເພື່ອການພັດທະນາແບບຍືນຍົງ ແລະ ການດໍາລົງຊີວິດແບບຍືນຍົງ, ສິດທິມະນຸດ, ຄວາມສະເຫມີພາບລະຫວ່າງ ຍິງ-ຊາຍ, ການສົ່ງເສີມວັດທະນາທໍາ ແຫ່ງສັນຕິພາບ ແລະ ການບໍ່ໃຊ້ຄວາມຮຸນແຮງ, ການເປັນພົນລະເມືອງຂອງໂລກ ແລະ ການຊື່ນຊົມຄວາມຫຼາກຫຼາຍທາງດ້ານວັດທະນະທໍາ ກໍຄືການປະກອບສ່ວນຂອງວັດທະນະທໍາເຂົ້າໃນການພັດທະນາແບບຍືນຍົງ.
4.ກ ສ້າງ ແລະ ຍົກລະດັບສະຖານທີ່ການສຶກສາ ທີ່ຄໍານຶງເຖິງຄວາມຕ້ອງການຂອງເດັກນ້ອຍ, ຄົນພິການ ແລະ ບັນຫາເພດ ຍິງ-ຊາຍ ແລະ ສ້າງສະພາບແວດລ້ອມຂອງການຮໍ່າຮຽນໃຫ້ປອດໄພ, ບໍ່ມີການໃຊ້ຄວາມຮຸນແຮງ, ທົ່ວເຖິງກັນ ແລະ ມີປະສິດທິຜົນ ສໍາລັບໝົດທຸກຄົນ.
4.ຂ. ພາຍໃນປີ 2020, ເພີ່ມຈຳນວນທຶນການສຶກສາໃນທົ່ວໂລກໃຫ້ຫຼາຍຂຶ້ນ ສຳລັບປະເທດກໍາລັງພັດທະນາ, ໂດຍສະເພາະປະເທດດ້ອຍພັດທະນາ, ປະເທດເກາະດອນນ້ອຍກໍາລັງພັດທະນາ ແລະ ບັນດາປະເທດໃນອາຟຣິກາ, ສໍາລັບການເຂົ້າຮຽນຊັ້ນສູງ, ລວມທັງການຝຶກອົບຮົມວິຊາຊີບ ແລະ ຫຼັກສູດດ້ານເຕັກໂນໂລຊິຂໍ້ມູນຂ່າວສານ ແລະ ການສື່ສານ, ວີຊາເຕັກນິກ, ວິສະວະກໍາ ແລະ ວິທະຍາສາດຢູ່ໃນບັນດາປະເທດພັດທະນາແລ້ວ ແລະ ປະເທດກໍາລັງພັດທະນາອື່ນໆ.
4.ຄ ພາຍໃນປີ 2030, ເພີ່ມທະວີການສະໜອງຈໍານວນຄູອາຈານທີ່ມີຄຸນນະພາບໃຫ້ຫຼາຍຂຶ້ນ ລວມທັງຜ່ານການຮ່ວມມືສາກົນ ສຳລັບການຝຶກອົບຮົມຄູຢູ່ໃນປະເທດກຳລັງພັດທະນາ ໂດຍສະເພາະປະເທດດ້ອຍພັດທະນາ ແລະ ປະເທດເກາະດອນນ້ອຍກຳລັງພັດທະນາ.